THE LATE AHMED DARWESH HAD A PREMONITION ABOUT HIS DEATH AND KNEW HE WAS GOING TO DIE...HERE IS THE TOUCHING POEM HE WROTE TO HIS WIFE BEFORE HIS DEATH...THIS WILL MAKE YOU CRY

Huu ndo wangu wasia, naomba muutawili,
Imedhoofu afia, na kusawijika mwili,
Naona nakaribia, kukutana na jalali,
Wasia wangu ni huu, naomba zingatieni

Iwapo nitajifia, ruhu iitoke mwili,
Musije kunililia, kwa kufuata sabili,
Ni ada ya kidunia, mauti kuyakabili,
Wasia wangu ni huu, naomba zingatieni

Jambo nalotarajia, nifanzieni sahali,
Dhiki sitaki watia, wa kuukafini mwili,
Sanda ‘mejinunulia, hilo lisiwe muhali,
Wasia wangu ni huu, naomba ufuateni

Kama leo najifia, kwa yoyote ile hali,
Najua mutaumia, kunikosa ni thakili,
Ombeni sana jalia, anipe pema mahali,
Wasia wangu ni huu, naomba ufuateni

Mombasa kinifukia, nataraji wangu aali,
Pale nipokusudia, Kikowani musifeli,
Kwa nilowapa udhia,msamaha mukubali,
Wasia wangu ni huu, naomba uzingatieni

Ya kwamba sijatimia, kwenu nataradhalali,
Wanangu nawaachia, binti zangu wawili,
Muwe tanisaidia, masomoni wasifeli,
Elimu kiwapatia, nitapumzika kweli.

Rijali wangu kawadia, Ridhwan ndio lake jina,
Sito kuwa nawe sikia, mlezi wako mama,
Mke wangu maridhia, Bihawa lake jina,
Mola takujalia, Subira ilo jamila.